Dee姐新節目有蒙嘉慧加持　保錡說話欠分寸被勸返去跑步

由保錡、「Dee姐」陳海寧主持ViuTV旅遊節目《呢度住吓 嗰度住吓》，首集嘉賓是蒙嘉慧，雖然她有點心廣體胖，但仍算keep得唔錯，健康富泰。蒙嘉慧肯出山拍節目，全靠Dee姐碌人情卡，她跟鄭伊健拍攝電影《深宵閃避球》後認識蒙嘉慧，今次帶挈保錡有新節目，可惜出來效果不似預期，保錡被指全程Hea做，而且對於小朋友又講「吔咩嗲」、「儉摩芝」等不文笑話，網民紛紛叫他回去跑步。

保錡在ViuTV主持過不少綜藝節目，但往往是跟ERROR其他成員合作，每次講錯說話都有肥仔、阿Dee補鑊。但今次跟Dee姐出擊，還要訪問前輩蒙嘉慧，偏偏保錡一臉Hea樣，語無倫次，又不停講自己鍾意「愛情動作片」，當蒙嘉慧叫他學穿劍道服，他又完全心不在焉，之後去了道場，對住成班小朋友，又不停講「儉摩芝」等不文笑話，被網民狂鬧他說話冇分寸，保錡為做節目效果，最終卻令人生厭，要好好檢討。