《愛回家》富婆親身幫襯張景淳羅天宇檔口　最上鏡小姐號召力不減

現年53歲，1991年參選港姐奪「最上鏡小姐」入行的樊亦敏，近年憑無綫（TVB）處境喜劇《愛·回家之開心速遞》飾演「三太」成功入屋，可愛個性深受觀眾歡迎，更首奪「最受歡迎電視女角色」。戲外她是「隱形富婆」，常曬名牌手袋及靚錶，生活令人羨慕。

日前樊亦敏親身支持「龔燁」張景淳、羅天宇及李興華的小食攤檔。樊亦敏一身戲服現身「踩場」。樊亦敏先「玩嘢」指：「由我嚟整（雞蛋仔）！」張景淳見到三太大駕光臨，當然細心親自介紹，更笑言：「我嚟Serve（服務）你！」樊亦敏又笑言：「我要原味，好似我咁原汁原味！」樊亦敏可愛發言令羅天宇忍不住邊整雞蛋仔邊笑，樊亦敏又引來大批顧客圍觀。最後樊亦敏影大合照支持三位後生仔，三太非常愛鍚後輩呀！樊亦敏搞笑發文：「三太突襲 龔燁的小食店 問你驚未？」