蔡卓妍還原「衝闖事件」 過程：我仲幫襯買咗兩集碟

蔡卓妍（Sa）同張繼聰日前拍攝賀歲片時，鬧出「硬闖事件」，阿Sa今日（3日）現身沙田馬場出席活動時，亦有就事件作出回應，她表示當日趁有空檔在INUF購物。「嗰場戲係講我同阿聰要支持小店，所以一開始係我哋推門出鋪頭，喺街講『其實香港啲小店好艱難，我哋要支持』，之後等埋位時見到隻碟有容祖兒首歌嘅歌詞，我幫襯咗買兩隻。」

阿Sa因有邊開工邊購物而感到開心，直到下午才知悉有「硬闖事件」，她指逗留店鋪時間很短，而當日亦有見到天佑，打招呼才發現店主是天佑老婆。「我嗰日先知原來天佑結咗婚，嗰日好多訊息。」

阿Sa又謂當日一直留在九如坊，事件發生後，同張繼聰如常開工。「日日都好開心，佢都幾好笑。（阿聰夾喺中間好似有啲難做？）佢兩個男人，我哋女人唔好理。」