Jeffrey沾沾自認似霆鋒　親解「細柱」變「巨柱」之謎

Jeffrey魏浚笙同周殷廷昨晚（2日）為《西九音樂節：越流行》演出，Jeffrey同YT大哥合唱霆鋒嘅《愛後餘生》，接受訪問時Jeffrey大讚YT大哥有男人味，仲話10年前已經有聽對方嘅作品，但都不忘沾沾自己有霆鋒feel。「話似又唔敢當，感覺啫，我無見過霆鋒真人，合唱同合作緊係想，佢真係好有型。」

而講到日前《焚城》謝票時，介紹角色名叫「細柱」即望望下面，Jeffrey爆笑解釋其實角色係叫「巨柱」，仲話自己「身懷巨柱」，問到如何衝擊票房，Jeffrey話因為要準備音樂會，所以可能完騷後再為電影出力。