中年好聲音首個女團Missy出道兼開騷　網民：COLLAR長大後

由陳俞霏、陳芊芸、王玥、林思彤、陳譽文組成嘅MISSY，宣布將在12月將在麥花臣開騷，海報一出，有網民嘅反應係「C團成員長大後⋯」，亦有留言表示「希望功程成功」。

事實上，早在《中年好聲音2 紅白大戰》時，王玥已率先與林思彤、陳芊芸組成的「限定女團」Three Style，雖然當時王玥已為三子之母，但跳得又唱得，又狂派心心，獲評審一致好評。張佳添更認為Three Style是前女子組合Freeze及Hotcha的混合體，揚言她們可以出道，或者就係呢一番說話，令到王玥有組團想法，再加上古淖文、譚輝智先後開個人演唱會，而顏米羔亦與劉威煌、梁浩賢和甘永傑合作開演唱會。不過MISSY社交平台推出2日，至今都只係得3百多位followers，粉絲似乎未夠踴躍。