Stanley邱士縉高舉女舞者自封好男人　為籃球賽與森美練波全air

Stanley（邱士縉）昨晚現身西九音樂節嘅「幻舞浮光」，同女dancer表演時高舉對方，由於之前喺MATCHICAL LIVE 2024 時受傷，所以完騷後，大家都好關心佢條腰，但大表哥就話「好腰好腎好男人」。

提到之前Ian 拍團綜後，疑似因食錯嘢而發燒，大表哥就話「怪佢食太多好嘢」又話Ian有個「王子腸胃」，仲話大家都要多食下欄嘢。「我哋無事，但拍MV嗰日佢發燒，見到佢係辛苦嘅。」講到小組歌《吃腐肉的鷹》嘅MV，大表哥就爆拍攝時，肥嘟嘟嘅Jer不時擺出猛男甫士，但由於太敏感同赤裸，所以都唔敢留下黑圖。

而為咗月底舉行嘅商台籃球賽，大表哥都有抽空去練波，但結果全air，反觀一齊練嘅森美大哥就十分勤力，而練波之餘，近期迷上ride車嘅大表哥亦都有同森美夾期一齊到日本ride，但由於即將開拍《IT狗2》，所以未能同行。