「焚城四子」拒出全裸月曆　Jeffrey解釋因「咁嘅身形」

謝君豪、何啟華、Jeffrey、Locker、王菀之、王丹妮同許恩怡，昨日為《焚城》上映日謝票，「焚城四子」同王丹妮齊齊以制服look現身，唔同組別嘅王菀之都睇到心心眼，仲話自己隨時都ready一齊制服look。早前話過可以噴水、濕身做福利，今日改口話唔敢拎消防喉入戲院，仲話怕射濕觀眾會收律師信。

而提到新出爐嘅消防月曆，Jeffrey話順應觀眾要求，問到敢唔敢學澳洲消防員近乎全裸上陣，Dee話打算出一本萬年曆。「香港消防唔用呢啲旁門左道，佢哋好專業，唔係有肌肉先識救火，佢哋都話我似燒防員，因為唔係個個都好似Jeffrey咁大隻，但佢哋全部都有實力同專業。」Dee日前上載劉德華合照，並分享自己嘅追夢旅程，他表示《焚城》拍攝艱難，大家都出心出力，所以想有更多人可以欣賞。