臥底嬌娃｜陳瀅拍打戲致周身傷 搵物理治療師啪骨：動作唔靚移位
撰文：吳子生
出版：更新：
陳瀅今晚（1/11）現身觀塘出席無綫新劇《臥底嬌娃》煞科宴。陳瀅在劇中飾演一名警察，同時亦係空手道高手，與馬貫東不少對打戲，而日前拍攝最後的戲份時，遭馬貫東狠下毒手打到受傷：「其實拍呢套劇，當中係有好多動作場口，係打到周身傷，始終整到啲關節位，唔係好似以前後生咁快會好返。以前細個啲會好搏命，連啲師傅都知我會好用力去打，但到我而家大個啲，就知道係唔得嘅，原來係要錫身啲，因為你會發覺受傷之後原來係好難康復，後生嘅時候就會好快康復。而家我都搵咗物理治療師幫我啪返好啲骨，因為有時啲動作唔靚，係會搞到啲骨移位。」