李居明宣布新光戲院下年3月3日正式光榮告別：要同大家講再會

李居明和龍貫天（Yok)今日（1/11）現身北角新光戲院出席「告別新光最後最後」記者會。對於新光戲院將於2025年3月3日光榮告別，李居明受訪時表示：「其實而家係倒數緊123日，一間52年同時見證香港黃金歲月的一間粵劇殿堂要同大家講再會，心情難免係有啲傷感。到時最後嗰一日，我會同Yok哥以八和會館主席身份同我一齊拉閘同埋熄埋燈，咁所以代表住52年陪伴住香港人嘅粵劇殿堂正式告別。」

Yok哥接著說：「喺2012年嘅時候，好多謝大師接手新光，做到而家十幾年，亦都培育咗好多新人，亦令到我哋粵劇不斷發展，我好希望新光戲院係能夠可以延續落去。」李居明表示：「其實呢度完結咗之後，好希望西九戲曲中心能夠接棒，亦都係希望將新光嘅文物令夠喺西九度展出，呢方面都有同政府反映過，佢哋好好願意去聽，之餘之後會點做，到時就要睇政府。」