黃夏蕙久未與梅媽聯絡 曾聽聞梅啟明家暴：佢成日都係

夏蕙BB今晚（31日）以蛇嘅造型 ，現身蘭桂坊，準備狂歡萬聖節。現身人群前夕，夏蕙BB喺樓家延開六席，同親朋好友預祝94歲生日。

講到生日願望，夏蕙BB表示最緊要身體健康同人人開心，兒孫滿堂嘅佢，大部分孫都喺外國，但幸好老公喺香港，佢仲話要浪漫mode 慶祝。「佢佢日都令我好開心，會帶我遊車河。」夏蕙BB又預告將會擔任契仔新歌MV女主角，她需要飾演患有小兒麻痹症。「有壓力，因為唔知點扮好。」

另外，提到好友梅媽，夏蕙BB表示雖然關心對方，但愛莫能助，問到有無聽過遭梅啟明家暴，夏蕙BB表示：「佢成日都係，唔使聽，個個都知。（有打過佢？）為咗錢，我聽聞。」夏蕙BB又表示已經自疫情後已經無見過梅媽，但並非與對方失聯，而係無需要搵。「佢會搵心呻，但唔係搵我。（聽到家暴都唔驚訝？）呢啲家常便飯。」