視帝萬聖節look一句話疑暗示老婆陀B　囡囡愈大愈靚散發明星風采

現年47歲的陳展鵬與比她細13年的2016年落選港姐單文柔拍拖兩年，兩人於2018年奉子成婚，翌年誕下一女「小豬比」陳諾瑤（Quinta），一家三口生活幸福愉快。陳展鵬婚後繼續努力工作賺錢養家，單文柔則已淡出幕前專注照顧家庭，全力做老公背後的女人，深得陳展鵬疼錫。

今日是萬聖節，陳展鵬於凌晨在IG分享了一輯他們一家三口的萬聖節造型照，留言寫道：「終於搵到個女主角可以吸血啦.. ha ha ha，細個嘅時候好多人話嘴嘴會生BB，有冇人聽過吸完血都會生BB，明明萬聖節要扮恐怖，但係都要玩反差，唔通真係負負得正，總算有機會留低一個紀念喺萬聖節，出年再玩過 ….👻🎃」陳展鵬此番言論惹來網民猜測問道：「係咪即係暗示太太有咗BB？」另外，相中的小豬比的扮相相當可愛，且愈大愈靚女，獲網民讚小小年紀已有明星風采。