焚城｜與《破‧地獄》聯手推電影套票　謝君豪：好開心，雙贏

Jeffrey同謝君豪日前現身《爆谷一周》為新戲進行宣傳，Jeffrey剛完成北京首映即趕返香港，行程十分緊湊，問到有無被叫「daddy」或「老公」，他表示聽唔到，大家都叫「浚笙」。

謝君豪喺《一世隊友》MV中有濕身場面，他大讚成品「好好」，女兒雖然未欣賞，但預計都會大讚正，問到女兒揀男友會係Jeffrey、Dee定Locker ，謝君豪即爆有曾與Jeffrey等人討論，但「好似都唔係，睇唔上眼」，他又表示有關心女兒戀愛史，但唔會迫問。「我唔心急，順其自然。（有無準則？）邊有咁out。」

提到電影公司推出1000套限量電影套票，讓觀眾以120元欣賞到《焚城》和《破．地獄》兩大好戲，謝君豪即謂：「我聽到都覺得好好，好開心，第一反應係雙贏，吸引更多觀眾入場。」