68歲TVB綠葉公廁旁食飯網民驚訝咁陰功 年輕時兩個月人工買到樓
撰文：黃梓恒
出版：更新：
現年68歲的TVB綠葉鄭家生最近非常活躍內地社交平台，曾揚言TVB人工低，「靠TVB死得人喇」的鄭家生，本身亦身兼武指，不過隨著年紀愈大，勞動的工作可能會減少。現時主力打開內地市場，靠住早年「奔雷手文泰來」的稱號可能也是一條好出路。
日前鄭家生又在出片，片中他等開拍等到瞓著，甚至要在公廁旁食飯，網民紛紛驚訝點解要搞到咁陰功？
原來鄭家生只是為了拍一條食片，因為該餐廳要晚上十點才開門，唯有在門前先睡一覺。至於公廁旁食飯，因為該餐廳的門口竟然有一個公廁牌，雖然未知旁邊是否真的有公廁，但真的比較奇怪。
鄭家生曾指年輕時不懂投資，當時兩個月的糧已經夠買一層樓，他說：「我最記得82年，83年都搵緊幾萬一個月，搵緊三萬幾一個月。喺羅湖6萬蚊一層樓，任揀吖。我冇買吖，哈哈哈，嗰時買嚟做乜。84年我同呂良偉買間村屋15萬，呂良偉嗰時喺村嗰度買咗一間，佢就唔鍾意就賣咗畀我。冇啦，嗰時邊度識（買樓）啫，書又讀得唔多，好在乜都唔啱又唔會周圍蒲，有錢就死儲爛儲，咁就有錢買樓，叫做有地方住，可以遊吓遊吓咁囉。」