巾幗梟雄之懸崖｜關嘉敏橫店拍劇遇小強陪瞓　幸有猛男英雄救美！

《巾幗梟雄之懸崖》將於明晚10月21號播出。劇集《巾幗梟雄之懸崖》除了有黎耀祥飾演的柴十七和胡定欣飾演的鄧桂嬋（七爺）以外，亦加入了不少新演員新配搭，其中關嘉敏就飾演胡定欣劇中的好友，出鏡率非常高！

關嘉敏接受《香港01》訪問時說：「起碼有20集，因為我同莊思明，邵初喺橫店都逗留咗兩個半月，都幾長時間。」她表示，因為人在外地所以感情進展非常快，不過，在這兩個半月中，還有一事令她們之間變成了共患難的好姊妹。

她續說：「明明大家都唔係好熟，但係一有曱甴同老鼠出現，我哋就即刻攬埋一齊！『喂呀，你可唔可以幫吓手呀？』、『唔驚，我幫你打佢！』」她表示，在橫店拍劇的時間內，飲食都尚算習慣，唯獨是居住的地方衛生環境較差，酒店內經常都會出現曱甴老鼠，一班女孩子唯一可以做的就是攬埋一齊叫救兵。至於誰是這位救兵？

她就說：「通常男仔多，羅天宇。因為佢都逗留咗一段長時間，我哋幾個人就成日相依為命，洗衣機都係一部share幾間房用，而家宣傳令我好多回憶都湧晒出嚟，好開心，好似經歷咗一段好好玩嘅日子。」