廉政行動2024｜陳星妤首次演執法人員　犧牲剪短秀髮：剪咗十吋

陳星妤今晚（17/10）現身電視城出席台慶劇《廉政行動2024》首映禮，陳星妤在新劇中飾演ICAC助理調查主任，為了配合這個新角色，她不惜將一頭長秀髮剪短，以新形象示人：「今次係我第一次演執法人員，為咗呢個角色我剪走咗十吋長嘅頭髮。而當中對我嚟講最難係要熟讀ICAC執法時嘅用語，而且演嘅時候神情又要好嚴肅，同埋又要好專業，變咗一字一眼都係好重要，唔可以講錯，咁所以同平時講說話嘅用語都會好大分別。」

星妤續說：「喺我拍呢套劇嘅時候，我都係拍緊另一套劇集《金式森林》，變咗試過係拍完呢套劇之後，又要緊接住拍另一套劇，我係試過唔夠瞓冇精神，到埋位拍嘅時候，要我講ICAC嘅執法用語我係講得唔係咁好，不過好彩當時只係拍我一個人，如果有對手嘅話我都幾大壓力。」