林家謙想同阿姐汪明荃唱《熱咖啡》　盼傳承汪阿tag

林家謙今日現身旺角出席品牌活動，由於久未有出席公開活動，現場有大批fans圍觀，提到早前為阿姐汪明荃演唱會主題曲作曲，問到會唔會有機會做埋嘉賓，家謙表示未知，一切順其自然。而對於阿姐表示歌曲難唱，他說：「我有唱過demo俾佢聽，我知啲音係饒口，咁阿姐係阿姐嘛，佢可以勝任到好多嘢，我盡擺要有嘅元素落去。」

家謙又指因為阿姐唔玩「汪阿tag」，所以自己要傳承落去，仲改埋「汪阿Lam tag」，問到如果真有機會同阿姐合唱，家謙即反問：「咁益我？《熱咖啡》、《Pink Lady》都幾好玩。（會用咩造型呢？）我返去了解下先，我聽講過，但未睇過個動作，所以要了解下先。」

另外，講到為電影《破．地獄》創作電影主題曲《普渡眾生》，他表示希望大家睇完會有歌影合一嘅感覺，預計大家最快會在首映禮上聽到。「我睇嗰時有眼濕濕，有埋後勁。」