亞視忠臣劉錫賢籌備護老院新戲　新導演為迫真「執屎尿」三個月

有「亞視忠臣」之稱的劉錫賢今日（10/10）出席位於西九龍中心的「叱咤武林主題曲慈善歌唱大賽1024」記者會。他接受《香港01》訪問時，表示最近有大搞作，除幕前演出外，更正在籌備電影工作及個人生意發展。

談到近況，劉錫賢表示最近正在籌備一些工作：「你知最近市道唔好，市道唔好有啲嘢就要自己籌謀，準備搞一啲健康上面嘅嘢，會同內地合作同啲產品有關。」不過他就表示是策劃上面的工作，而不是投資。

另外，他亦指最近忙於電影工作，為一套電影準備前期工作，負責策劃。劉錫賢也透露，該電影主題為護老院發聲，當中最令他欣賞的是，電視導演肯為了更好地拍攝到好作品，願意由內地到香港護老院無償工作三個月，即幾乎是免費義工一樣。「（即係日日執屎執尿？）係呀，佢日日落手落腳做，仲話做完之後老人院有幾辛苦。本來個院長都唔使佢做呢啲，佢話一定要做埋，所以呢個新晉導演真係好有熱誠！」劉錫賢表示，現時劇本已經完成得八八九九，再來就是找到有電影公司領頭投資開拍。