陳凱詠遭貼大字報「我養你」公開示愛：真係嚇親我
撰文：吳子生
出版：更新：
歌手陳凱詠（Jace)今日（9/10）以揹水大使身份現身銅鑼灣出席慈善越野賽「揹水一戰2025」記者會。對於首次為賽事擔任大使，Jace接受《香港01》訪問時表示：「今年係我第一次參與呢次嘅慈善活動，據我所知今次嘅慈善賽係要跑15K，而且仲要孭住支水跑山路，變咗我自己都唔知道肯唔肯定完成得到，咁所以自己都要加訓練，到時能夠應付得到。」
提到早前中環及九龍塘等公眾地方出現「陳凱詠我養你」大橫幅，而且在橫幅底下有句子：「此橫額只供拍照使用，絕非路旁展示宣傳品」細字，惹起網上熱議。Jace開心表示：「其實成件事我係唔知，係後尾先知道係我啲粉絲。佢哋好犀利，知道我首歌嘅名，然後全部人聯合起嚟靜悄悄做起呢件事，俾呢個驚喜我。我係覺得佢哋好有創意，當時見到真係嚇親我，但成件事我係好開心又驚喜。」