TVB視帝陪外母一家韓國旅行勁融洽　37歲索爆老婆狂曬花海靚相

50歲視帝馬國明與老婆湯洛雯（Roxanne）去年12月於泰國蘇梅島舉行婚禮，兩人常常高調放閃。早前兩公婆飛東京出席蔣家旻與電視台高層周永基在輕井澤的婚禮，之後又被捕獲陪老婆一家人飛韓國旅行，非常融洽！

近日馬國明及靚湯一行人又到了濟州島觀光。靚湯急不及待在Instagram曬出旅行靚相，她穿上牛仔外套及短裙，站在一片粉紅色花海中，長髮飄逸仙氣十足！細妹湯洛瑤都同靚湯頭貼頭合照，露出纖腰，兩姊妹都非常省鏡呀！不知是否馬明親自操刀，為老婆拍下美照呢？

靚湯Po相後，馬明隨即留言三個心心眼，公開同老婆示愛。不少人都留言大讚馬太Keep得好，超級靚女。