蒙嘉慧難掩幸福肥　久休復出孖保錡拍節目遊福岡

蒙嘉慧（Yoyo）久休復出，伙拍吳保錡、「Dee姐」陳海寧主持ViuTV旅遊節目《呢度住吓 嗰度住吓》，喺預告片入面見「福崗通」Yoyo化身領隊，揸車帶住保錡同Dee姐吃喝玩樂遊福岡，體驗當地生活。台上所見，久休復出的蒙嘉慧雖然以全黑打扮，但「幸福肥」十分明顯。

Yoyo表示：「我今次做節目主持，仲做埋司機，接載拍檔吳保錡、陳海寧，又借衫畀佢哋著，因為拍攝時氣溫得20度，但保錡著背心。」保錡即賣口乖表示由細睇Yoyo做戲到大，所以只要見到對方的話，完全唔怕凍。