梁朝偉被問有否獲無綫請回巢　10字霸氣回應

梁朝偉（偉仔）(今晚8/10）現身中環出席理財活動。提到理財方面，偉仔受訪時表示：「自己唔係好識點樣理財，加上我同嘉玲都係財政獨立，變咗理財方面我都係交俾專業人士去處理。始終自己都拍戲都拍咗四十幾年，自己對投資理財方面就冇乜興趣。」

提到另一影帝張家輝相隔20年再重返電視圈，夥拍胡杏兒參演由前無綫班底蘇萬聰導演及歐冠英總編劇的刑偵劇，計劃在上月底開拍，並會在澳門及江門取景拍攝。偉仔表示：「其實如果有好嘅計劃，不論電影又或者拍劇，我都冇所謂。最主要個計劃對我嚟講有冇興趣。變咗就冇話特別分拍電影又或者劇咁。（無綫有冇搵過你返去幫手拍劇？）冇。（自己有冇諗過都想返去拍劇？）無端端我做咩要返去拍。（咁如果搵你返去拍你想唔想？）唔知呀，要睇情形。」