娛樂圈夫人｜陳友將愛妻事跡搬上音樂劇警世人 黎瑞恩：珍惜眼前
撰文：吳子生
出版：更新：
陳友和黎瑞恩（小恩子）今日（8/10）現身北角出席《娛樂圈夫人》音樂劇記者會。陳友受訪時表示：「呢個音樂劇係講我同我太太嘅故事，因為太太有咗骨癌絕症，醫生就話佢得幾個禮拜嘅時候，之後佢就會走。聽到呢個消息之後，我好難過，發覺原來佢等咗我四十幾年，嗰一刻先知道自己對佢有好多虧欠。自責之前只係掛住追遂自己嘅名利，完全忽略身邊嘅人，到最後竟然佢好得返，我覺得係一個神蹟。變咗之後十年，我都一路做見證，到舊年突然之間想寫呢樣個故事出嚟，希望能夠仲有日子裡面，做返一啲對嘅事。」
小恩子接著說：「相信每一位嚟睇嘅朋友，都會攞到一啲嘢走，令到大家有一個深刻體會，明白到要珍惜眼前人。好多時做太太為咗個家庭嘅都會緊守岡位，希望老公能夠專心工作賺錢養家之餘，又可追尋自己嘅夢想。但有時做太太嘅又好想老公返嚟陪自己，內心都會幾矛盾，變咗個衝擊都好大。」
陳友和愛妻合照。（葉志明攝）
陳友和小恩子首次合作音樂劇。（葉志明攝）