「索腿天后」帶仔落球場踢波不忘大騷手袋　坐草地打卡顯慈母一面

無綫（TVB）藝人陳敏之近年減少拍劇，轉型做直播帶貨，做出不俗成績。陳敏之今年1月才經歷喪母之痛，幸而有家人陪伴走出傷痛，早前她與老公雷偉信（William）慶祝10周年結婚紀念日，罕有曬出合照，甜蜜留言：「十年如一日，I Love U。」

趁住秋高氣爽，陳敏之帶兒子到球場踢波。陳敏之心情大靚，戴Cap帽穿白Tee，坐在草地上大騷白滑長腿影相，洋溢靚媽感覺。而陳敏之陪個仔落街踢波都不忘帶MICHAEL KORS靚袋，非常貪靚。

陳敏之開心發文道：「今日好好天 陪仔踢波 開心」。陳敏之拍下兒子踢波身影，仔仔好動活潑，同媽媽都似樣。