企業強人｜鄧美欣演金融精英全靠一副眼鏡：監製想有一種強勢

鄧美欣（Venus)今日（4/10）現身中環出席無綫熱播劇集《企業強人》宣傳造勢活動。Venus在劇中飾演Joanna 是一名回流返港的金融精英專業人士，為了令角色演得更神似，監制特別要求她要配戴眼鏡演出。一眾網民看過之後非常受落，大讚Venus在造型上有新突破，創造出無限的可能性。

Venus接受《香港01》訪問時表示：「監制起初見到我個樣唔夠強，想我睇落有一種強勢 ，於是就叫我戴副眼鏡，令到我睇起上嚟似一位專業嘅女強人。其實以前我都係一名四眼妹嚟，記得讀小三嘅時候，我已經有近視要戴眼鏡，戴眼鏡好多年都覺得好唔舒服，喺幾年前我就做咗眼睛矯視手術，將800度近視去除，變咗而家睇人好清楚，以前唔戴眼鏡真係睇唔到嘢，好似盲咗咁。」