撞斃新界牛「家慈」　涉事司機「神仙B」曾拍《愛回家》演神棍

日前（3/10）有新界的士涉在馬鞍山西沙路撞斃一隻新界公牛「家慈」。涉事綠的車頭變成廢鐵，事後證實涉事司機為現年61歲，曾在電影《三五成群》中飾演「神仙B」的蔡堅城。「神仙B」於早年曾演《三五成群》，因一段短短數分鐘的劇情，一句「俊？邊X到俊呀？！」而網絡潮語，繼受到追捧。

據報「神仙B」蔡堅城其後也出演過一些小角色，惜無以為繼。龍虎武師出身的蔡堅城在8年前亦隨之轉行揸的士搵食。2020年「神仙B」蔡堅城也曾客串演出《愛．回家之開心速遞》。劇情講及歐瑞偉飾演（飾 KC）有疑病症，輾轉之下搵到一位叫神仙的「神醫」求救，之後跟隨到深山，希望可以醫好絕症。杜大偉（飾 Peter）、許家傑（飾 送水輝）和岑杏賢（飾 KC女友Icy）怕KC遭騙，就趕去搵「神仙」理論。

劇情之中，更大玩《三五成群》元素，例如當中就出現了「神仙B」兇28座大王的一幕，不過28座大王就變成了送水輝：「我係『好爸Ba』嘅送水輝！」而「神仙」就回了一句：「咩輝呀！而家冇人識你呀，我就叫神仙，你哋又識唔識？」相當有趣。