中年好聲音2｜鄭梓浩舊愛前夫勁猛料 為圈中人送酒樓做結婚禮物
撰文：黃欣華
出版：更新：
《中年好聲音2》11強止步的前歌手鄭梓浩（Brian，原名鄭家駒）在上月被前度Grace指控食軟飯，又被指被「小四」孫美賢包養，雖已發千字文否認指控，但亦無補於事。今日又被Grace的舊同學踢爆鄭梓浩於1984年開始跟Grace齊讀中一至完成中學階段，更力證Grace求學時期冇大過肚，再爆出Grace前夫原來相當猛料，就是為超過200多部電影擔任特技指導，入行近40年的電影特技大師羅禮賢。
爆料者指Grace進修後曾到電影公司做秘書，結識了當時已婚特技人羅禮賢，後來Grace懷孕，羅禮賢為Grace離婚，之後同Grace再婚，更透露羅禮賢當時送了屯門一間酒樓做結婚禮物，但已賣盤及轉手，多年來羅禮賢一直照顧Grace兩母子生活，所以Grace過住闊太生活，衣食無憂，又指鄭梓浩求學時期個格已衰到冇朋友。