李海生設靈　錢嘉樂難忘前輩照料：以前最惡啃嘅角色佢就做

資深演員李海生月初逝世，享年83歲。今日（29日）在沙田寶福山設靈，錢嘉樂同老婆湯盈盈約下午5時許到達靈堂，嘉樂其後接受訪問時，透露與李海生相識多年，所以今日一定要來送對方最後一程。「佢份人好好，以前最惡啃嘅角色佢二話不說就做，佢真係好好，好照顧後輩。」嘉樂又謂在洪家班時不時與對方碰面，甚有緣份。