麥詩敏結婚｜黃澤鋒見證麥振江嫁女 期待囡囡長大結婚：會爆喊
撰文：吳子生
出版：更新：
「新聞女神」麥詩敏大喜日子！黃澤鋒今晚（28/9）攜同太太陳麗麗和囡囡「小黃妃」出席前《警訊》好友麥振江女兒麥詩敏的婚宴。
黃澤鋒接受《香港01》訪問時表示：「因為詩敏嘅爸爸同我都係訓練班出嚟，而佢爸爸係我哋嘅大師兄嚟，因為有個藝進同學會，我哋都共事好多年，都算係睇住詩敏大，咁所以見到佢結婚我係好開心。希望佢連生貴子，開枝散葉。（日後囡囡長大結婚會唔會唔捨得？）我係好期待，但係我好驚會喊，因為養大咗佢之後，見到佢嫁人有自己嘅生活，係會好大感觸，加上到時自己都年老，咁所以都好希望會見到有呢一日，到時睇住佢出嫁可能真係會爆喊。」