金式森林｜視帝郭晉安大讚新人莊子璇有演戲天份：好多技巧佢都識
撰文：吳子生
出版：更新：
郭晉安（安仔）今晚（25/9）現身尖沙咀出席無綫新劇《金式森林》煞科宴。安仔接受《香港01》訪問時表示：「雖然拍嘅過程有辛苦嘅時候，但同大家係拍得好開心，因為每一個人同我做戲嘅戲路都好唔同，例如對住羅子溢同陳曉華都會唔同。但有一個人真心要讚一讚佢，嗰個人就係莊子璇，佢係冇讀過訓練班，但有好多嘅技巧佢竟然都識。我就問佢點解你會知嘅，佢就答我見我哋點做，佢就會知。佢係好有慧根，係代表住2024年新一代，亦都希望佢會攞到新人獎。」
對於是否個人氣場太勁，為對方增添不少壓力？安仔笑言：「真係唔好意思畀到呢啲壓力佢，我好希望佢能夠可以做得更好，尤其是當我哋完成晒成套戲之後，大家都會檢討返之前做過嘅戲，佢係有一啲嘅睇法去話返畀我聽可以做得更好。當然一個新人就唔好畀咁多壓力佢啦，佢都係第一部戲啫，希望觀眾俾多啲機會佢。」