陳欣茵透露好友約飲嘢有助走出分手傷痛　自嘲：單身嘅生活非常好

「前TVB小花」陳欣茵（Yanyan）昨日（24日）出席電影宣傳活動。她接受訪問大談近況：「最近忙緊經營自己嘅Social Media，同埋最近Podcast，所以都比較忙。」講到最近為開電視拍攝新節目「快閃泰日韓」，她表示：「呢個係我第一次拍旅遊節目，可以出埠。」

被問到最近上載泳衣水着獲得網民喜愛，她笑說：「冇錯！多謝大家嘅喜愛，條影片都好爆，如果夠一萬like再派福利。」提到有什麼福利，她表示：「比嗰一段片更加好睇嘅嘢，我應承大家。」講到最近感情狀況，她笑言：「單身嘅生活非常好。」講到分手原因，她表示：「其實我自己都有喺YouTube Channel講過分手原因，其實都係和平分手，因為都係性格不合。」

被問到擇偶條件，她笑說：「專一細心溫柔就夠㗎啦！」她透露朋友有相約出街飲嘢，並表示：「佢哋都好擔心我受情傷，積極幫我認識新對象，所以大家就可以期待。」另外講到有否收過網民的訊息「一齊打網球」，她表示：「有好多喎！個個都係IG度問我，要唔要約我出街？我而家唔會亂網上識人。」