被指撞樣港姐冠軍倪樂琳　楊證樺曬沈可欣年輕照網民激讚：好索

《2024香港小姐競選》已圓滿落幕，出爐冠軍是大熱門，有「城大李嘉欣」之稱的倪樂琳。不過，她奪冠後被部分網民批評「邊忽似李嘉欣？」，反而更似《愛回家》Rebecca，現年49歲的沈可欣。

沈可欣日前出席活動時，笑指有留意該則新聞：「有一刻覺得可能係某啲角度，可能係笑容，人哋靚女啲後生啲。（你覺得Ellyn點？）ok，幾靚女口才好好，轉數好快，（係你心目中冠軍？）都係，（先生楊證樺點睇呢單新聞？）佢又冇咩特別，佢話你撞樣喎，都唔係好似啫，跟住就冇出聲。」

而楊證樺則在9月19日晚笑問網友：「見最近大家炒得咁熱，大家係咪好想睇吓我老婆廿幾歲個樣呢😊」20日中午即貼出沈可欣年輕時照片：「好啦好啦，滿足大家嘅要求，正唔正先？」相片中沈可欣穿黑色小背心束起馬尾，洋溢青春氣息，何沛珈讚相中的沈可欣「索到呢」，黃建東笑言︰「Hello港姐冠軍！」有網民更指沈可欣靚過今屆港姐。