愛回家｜古佩玲又靚咗　企C位惹網民不滿要樂易玲換人：佢冇搵我

古佩玲（Kelly)今日（13/8）現身將軍澳電視城出席《愛·回家之開心速遞》宣傳活動。對於《愛回家》早前更新主題曲及MV，有大批內地網民不滿她在新片頭企中位，湧到小紅書「洗版式」

留言，要求樂小姐換走她：「不要古佩玲」、「救救《愛回家》，真的是變膠回家了」、「樂小姐，你點解要俾神婆企C位啊？現在整部劇都圍著她轉了」、「樂小姐，能不能把愛回家裡的膠面請走啊？有她都不想看了」。

Kelly接受《香港01》訪問時表示：「我覺得每個人都有自己嘅諗法，有自己嘅喜好都係一件正常嘅事，我係勇於去接受大家唔同嘅意見，都係嗰句，有鍾意我嘅人，亦都可能覺得我有不足嘅，我都會接受自己嘅不足，努力去增值自己，相比起之前嘅自己，我覺得呢個係成長嘅過程，同埋我覺得人遇到唔同嘅意見，有壓力都係一件好正常嘅事，有壓力就有動力。（驚唔驚網民力量影響工作機會？）我又冇諗喎，我覺得要專注返自己嘅演技。（樂小姐有冇搵你？）佢冇搵我，不過喺公司見到會打招呼。」