視帝細22年嬌妻再披婚紗谷胸賀結婚6周年　因一事竟被老公投訴

現年33歲的陳凱琳與比她大22年的視帝老公鄭嘉穎於2018年在峇里島拉埋天窗，兩人由拍拖到結婚生B，至今多年一直十分恩愛，婚後陳凱琳相繼誕下大仔鄭承悅（Rafael）、二仔鄭承亮（Yannick）以及三仔Carlos，為鄭家開枝散葉，四年抱三組成了幸福五口之家。陳凱琳雖然已是三子之母，日常忙於照顧家庭且要兼顧事業，但由藝人轉型兼任KOL的她，仍好勤力每日更新社交網同大家分享生活點滴。

今年是鄭嘉穎與陳凱琳即結婚6周年，早前有傳鄭嘉穎買戒指向太太二度求婚，日前陳凱琳更於社交網曬出多張性感婚紗照，來預祝結婚6周年。她表示：「我唔係結婚啊！幾個鐘頭後就係我嘅結婚周年紀念啦～咁快就已經六年！不過今年我完成咗一個小夢想，就係可以再次穿上婚紗啦。」而身為她老公的鄭嘉穎就留言「投訴」，笑言：「做咩唔預埋我呀？」其實陳凱琳這次只是為婚紗品牌行騷而已。