良心食店15間抵食推介！$10叉燒飯／$15揚州炒飯／茶記$38起任食
良心食店｜香港出街食飯越來越貴，同時又有不少食店關門結業，有食店良心價益街坊，也有食店推出任食餐單，希望可以吸引更多食客。《香港01》「好食玩飛」記者集市面上15間抵食食店，最平$10有叉燒飯、$20左右更可食到海南雞飯、雙併粉麵！
良心食店推介【1】有間茶記响附近——$15揚州炒飯
土瓜灣茶餐廳「有間茶記响附近」為答謝街坊，推出$15揚州炒飯，絕對是窮人恩物！$15揚州炒飯於每日下午3時開始供應，售完即止。有網民於Facebook群組《香港茶餐廳及美食關注組》分享該$15揚州炒飯，並指炒飯粒粒分明，蝦仁有4至6粒，叉燒粒量好足，形容是「至抵」炒飯！
有間茶記响附近
地址：土瓜灣浙江街19-23號旭日豪庭地下6號舖
良心食店推介【2】港燒味——$10免切叉燒飯
位於觀塘駿業街的「港燒味」近日推出$10免切叉燒飯，每人限買一盒，如需要加配飲品額外收費$3，例湯則是另加$5。雖然叉燒只有一塊，但飯量亦足夠，絕對食得飽！$10期間限定優惠暫時為期一個月，想試就要快點去了！
港燒味
地址：觀塘駿業街44號銀八地下A號舖
良心食店推介【3】西灣香飯堂——早餐午餐任食$38起
荃灣西灣香飯堂推出早餐及午餐任食，早餐任食$38，有豬骨粥、燒賣、糯米雞、豬肉餃子等選擇，粥粉麵飯樣樣齊！午餐則有各式小炒及蒸菜、另有滷水及炸物，雖然份量不算多，但勝在多選擇，而且價錢任食，絕對可以食到飽、食回本！
西灣香飯堂
地址：荃灣大涌道荃運2期地下
良心食店推介【4】為食貓——沙田博康邨街市 $12肉燥飯/蘑菇飯/餐用煎蛋飯
最近有網民於facebook「香港茶餐廳及美食關注組」發文，指沙田博康邨街市的食店「為食貓」，下午茶時有$12迷你飯，分別可揀肉燥飯、黑椒蘑菇飯及餐用煎蛋飯！網民一致大讚良心，並指雖叫「迷你飯」，不過份量也足一碗，好適合飯量不多，又平慳住食的朋友。
為食貓
位置︰沙田博康邨街市
良心食店推介【5】朗益——深水埗$18燒味雙併
深水埗超級平的燒味店「朗益」，最平$18有交易。鹹蛋三寶飯$28，每款有5至6塊、鹹蛋半隻、有菜，十分足料；晚上6時起更有優惠價$16燒味飯盒。
更多介紹可睇 ▼ ▼ ▼
深水埗朗益燒味工房
地址︰深水埗基隆街363-365號地舖
查詢︰24088867
地址︰深水埗北河街54號地舖
查詢︰24749188
良心食店推介【6】湖南老家飯店 ——太子$20超抵食外賣海南雞飯
太子的湖南老家飯店，主打湘幾年前開始就有售價平價外賣海南雞飯，至今都無加價，每份仍售逆市價$20，深受街坊喜愛，是慳錢或糧尾的好選擇！不少網民都評價，雖然味道未算最出色，但能以如此便宜價格吃到去骨海南雞飯，性價比極高，值得再吃。店舖亦有售賣其他外賣飯盒包括中式兩餸飯、川式口水雞飯、紅燒豬手飯，亦有湘川特式酸菜米線或手工拉麵，每碗只售$18起。除了海南雞飯，其他款式都相當抵食，想慳錢的話也可以一試。
更多介紹可睇 ▼ ▼ ▼
湖南老家飯店
地址：太子太子道西96-100號萬年大廈地下A舖
營業時間：11:30-21:00
良心食店推介【7】若男冰室——荔枝角$2X雙併粉麵連飲品早餐
提到抵食夾大件的冰室，莫過於位於荔枝角工廈的若男冰室！餐廳不論早午市都非常抵食，4款早餐一律$2X，如網民至愛的火腿絲通粉+煎雙蛋+多士+飲品，不過$28！至於午餐碟頭飯也不過$36-$42，價錢平，仲非常大碟，被網民喻為「糧尾救星」。
若男冰室
地址：荔枝角長沙灣道912-914號時信中心地下1號舖
營業時間：06:45 - 17:00
良心食店推介【8】德興燒味茶餐廳——八寶飯$68連中湯
位於香港仔的德興燒味茶餐廳，集餐廳及燒臘僩舖於一身！名物除常見的油雞燒鴨燒鵝等燒味，還有臘鴨批（鴨大腿）、南安臘鴨及煲仔飯等，選擇多多。
來這兒如選擇堂食，必揀八寶飯，有齊8款燒味配料連中湯都不過$68，CP值比一般茶記平上廿蚊以上！此外，八寶飯的份量也備受Facebook群組「香港茶餐廳及美食關注組」網民好評，不少心指只要另加一個飯足以讓2個人食飽，人均也不過$40，好抵食！
德興燒味茶餐廳
地址：香港仔東勝道5號地舖
營業時間：星期一至日07:00 - 次日1:00
良心食店推介【9】鴻運燒臘美食——$2x雙併燒味飯
提到平靚正燒味，在facebook群組「香港茶餐廳及美食關注組」的屏霸燒味店莫過於位於淘大花園附近的「鴻運燒臘美食 」！這兒1盒雙併燒味飯僅售$25，有網民還分享另加7元的紅腸，合共只需$32，已多餸到滿瀉，照片可見，飯盒內的紅腸、燒肉及又燒幾乎塞爆盒，樓主將燒味搬出來更可以裝滿不銹鋼碟，CP值爆標！
鴻運燒臘美食
地址：牛頭角牛頭角道33號地舖1B
電話：27585911
良心食店推介【10】仙桃居——屯門$29炸醬／肉燥米通
位於屯門的「仙桃居」是一間主打米通及台式料理的街坊小店，供應多款特色米線、米通、肉燥飯、台式小食、台式飲品及甜品。當中香辣炸醬米通及肉燥米通等，下午茶時段只需$29就可以食到，更會免費送珍珠奶茶！
小店下午茶餐選擇眾多，飽肚的粉麵包括有香辣炸醬米通、擔仔肉燥米通、小鍋米通、巴東牛肉米通、墨魚丸米通、鹽酥雞翼米通等；亦有魷魚鬚併奶酥吐司、鹽酥雞翼併花生吐司、豬扒包等小食，所有下午茶均會免費送珍珠奶茶，粉麵亦可轉選米線或公仔麵等，抵食之餘亦適合不同口味的朋友！
更多介紹可睇 ▼ ▼ ▼
仙桃居
地址：屯門龍門居商場地下105號
營業時間：07:30-21:00
良心食店推介【11】邁爵斯——深水埗$39意粉山
深水埗有不少$50內就食得飽的餐廳，而邁爵斯M.Y Majesty便是其中之一！餐廳位於深水埗，以大件夾抵食著名，店內共供應4款意粉，包括香蒜白酒蜆肉意粉、羅勒鮮番茄牛肉意粉等，每碟意粉都超巨型，猶如一座山，望落超澎湃！
邁爵斯M.Y Majesty
地址：深水埗福華街15號地舖
電話：94579068
良心食店推介【12】四季常餐——中環$50內大份常餐
中環雖地段昂貴，仍有$50內抵食飯堂，而「四季常餐」便是其中之一！店內全部常餐$50內就食到，網民推介特濃沙嗲牛肉公仔麵，大讚湯底超濃郁，花生味不會太濃。跟餐會配炒蛋和多士，網民一致表示炒蛋出色，入口超滑嫩，蛋香味濃，放上多士食一流！
四季常餐
地址：中環德輔道中88號地舖
電話：3594 6612
良心食店推介【13】嘉寶漢堡——葵涌、尖沙咀$50內抵食漢堡店
「嘉寶漢堡」總店位於葵涌光輝圍，一直非常受街坊歡迎，後來再於尖沙咀開設分店。小店主打港式漢堡，除了基本的牛肉漢堡外，還提供雞肉、豬肉、蝦肉及羊肉漢堡，全部都以慢煮方式烹煮，更能鎖住肉汁。大家不妨加$15升級做套餐，包含一款飲料和一款小食，可選擇小店的招牌炸燒賣或薯格。
嘉寶漢堡
【葵涌分店】
地址：葵涌青山公路葵涌段499號嘉寶大廈地下A&B號舖
營業時間：星期一至六12:00 – 21:00，星期日及公眾假期休息
【尖沙咀分店】
地址：尖沙咀金巴利道78號金輝閣地下A號舖
營業時間：星期一至日12:00 – 23:00
良心食店推介【14】銀龍茶餐廳——$2X早餐
網民分享到銅鑼灣銀龍早餐，看來平凡的茶記早餐掀起了網友關注。2隻煎蛋、1碗火腿通、1杯熱奶茶，最驚喜的是有1件牛角包，更令人驚訝是全份早餐$21，不少網民盛讚是佛心價，彷如重時光倒流30年，但有期間限定。相關文章︰銅鑼灣銀龍$21早餐 煎蛋腿通奶茶牛角包 網民讚佛心價如30年前
銀龍茶餐廳
【銅鑼灣分店】
地址：銅鑼灣謝斐道490-498號金利文廣場地舖
營業時間：24小時營業
良心食店推介【15】光榮冰室——$2X早餐
（光榮飲食）光榮冰室早餐回到懷舊價，$20火腿通粉／雪菜肉絲米粉、$25沙嗲牛肉麵，跟煎蛋多士送熱飲。不少網民大表高興，認為好吸引、好抵！早餐必撐，甚至問「真係做得住？」光榮飲食隨後回應指頂得住！
光榮冰室（部分分店）
【九龍灣分店】
地址：九龍灣常悅道23號地舖
營業時間：星期一至日07:00 - 21:00
【尖沙咀分店】
地址︰尖沙咀厚福街5-6號地下6號舖
營業時間：星期一至日07:00 - 22:30
（全文完）👉follow 好食玩飛ig ✈️免費睇旅遊飲食攻略