美食博覽2023｜門票半價01獨家附購票連結 10檔熟食攤位必吃直擊
美食博覽（美食展）2023由即日起至8月21日一連5日於灣仔會展舉行！香港01有獨家門票優惠低至半價入場掃貨掃美食！$1優惠、福袋多籮籮。今年美食展恢復即場試食，不用戴口罩。記者迫不及待入場大吃特吃！為大家精選美食博覽大會場10檔熟食美食，最平花1毫子就食到！即睇有咩好食！
獨家半價購買美食博覽門票連結｜01空間
雲集逾1,700家商戶、來自20個國家的攤位，由香港貿易發展局主辦的美食博覽，今年規模更盛大。由即日起至8月21日一連5日於灣仔香港會議展覽中心舉行，一如以往，美食展勢成大眾在暑假時的購物消閒好去處。美食博覽設多個展館，網羅環球特色美食和餐飲，當中包括公眾館和尊貴美食區。此外，同場更設有家電．家居．博覽、美與健生活博覽。只需一張門票，便能同時參觀多個展覽。
美食博覽2023日期地點
日期：2023年8月17至21日（星期四至星期一）
地點：香港灣仔博覽道一號香港會議展覽中心
8月17日至8月20日：10:00-22:00
8月21日 ：10:00-18:00
獨家半價購買美食博覽門票連結｜01空間
美食博覽開鑼直撃！10大美食推介 逾千攤位邊走邊吃最平$0.1
美食博覽必食推介【1】樂婷媽媽 $0.1雞煲
談到美食博覽，不少人想起會場歷年經典$1優惠項目，不過今年有商戶推出更划算的$0.1優惠，$1已不再是全場至抵！在博覽的首2日，「樂婷媽媽」推出$0.1雞煲優惠，每日首15份急凍雞煲只售$0.1（原價$128）！
$0.1雞煲 10點已現人龍 市民：搶到好好運
一聽到$0.1雞煲，作為精明消費者，記者當然立即衝去食！記者10點到達，店員即表示，原來要11點才正式排隊，直至12點才正式買到！有同排的市民表示，未見過美食展出現$0.1美食，能搶到$0.1雞煲非常值得！不過亦有人建議，檔主應採取派籌制度，那大家就不用企足2個鐘。
雖然$0.1，但份量一點也不少，仲可自選港味雞煲、香辣雞煲或黃酒雞煲三個口味，手快有手慢無！此外，老闆表示，攤位還會不定期做$0.1兩包急凍雞煲快閃優惠，希望大家經過都有幸買到！如果真的搶不到$0.1雞煲，會場即買急凍雞煲也包不過$90，對比市價$128平！
樂婷媽媽 攤位編號：1B-A25-1B-A29
美食博覽必食推介【2】合泰海產$1 迷你佛跳牆
歎完1亳子雞煲，記者立即轉戰$1特價區，成功買到合泰海產 - 鑫寶食品$1 迷你佛跳牆（每日限量10份）！鑫寶食品是合泰海產旗下，專做佛跳牆及盤菜的副線，雖稱「迷你」，實質好大份，一份有齊澳洲禿參、挪威鱈魚膠、台灣鮑魚及花菇，食完都飽晒，好誇張！當中，我至愛禿參，又厚又爽，好有咬口！至於鮑魚也不錯，一碗有3隻，分別為12頭、10頭及7頭鮑魚，店主表示想俾大家試多啲，真材實料！當然，搶不到$1 迷你佛跳牆，會場價買一份也不過$45，都係非常平！
合泰海產 攤位編號：1D-C10
美食博覽必食推介【３】鮑魚王$1精裝紅燒鮑魚
作為海味控，另一必掃美食便是鮑魚王的$1精裝紅燒鮑魚！會場限定每日30罐！鮑魚均由老雞和蠔汁文火熬煮而成，炆得夠入味，醬汁好鮮味濃郁，即開即食，口感煙煙韌韌的不錯！
鮑魚王 攤位編號：1B-B19
美食博覽必食推介【4】Daymoon 日本法式千層酥、和菓子
日本大熱的法式千層酥及和菓子，今年都有得食！士多啤梨吉士忌廉日式千層酥，會場特價 $88；椰子菠蘿吉士忌廉日式千層酥，會場特價$88；另有$1迷你版士多啤梨吉士忌廉日式千層酥（原價$28），每日限售20個，不定時發售。此外，必不可錯過日本水果大福套裝 $188，入面分別夾布士多啤梨、蜜柑、無花果及晴王提子，好吸引！
Daymoon攤位編號：3B-B09
美食博覽必食推介【5】Gooday $1法式油封鴨髀
會場另一吸引美食，當屬$1法式油封鴨髀！逢3點造訪攤位，首10位即可以$1買到！價錢超值！Gooday這款油封鴨髀，經過法式古法鹽漬風乾後，再浸泡在鴨油與香料內，低溫保存，表皮好薄脆，有濃郁的脂肪香，但實際脂肪不多。
此外，Gooday也備有一系列來自台灣及中國的特色食品，當中包括人氣的阿宗麵線急凍包及千層流心吐司。買滿$200，更可以$1換購老廣味啫啫粉一盒。
Gooday Productions Ltd 攤位編號： 3C-E13
美食博覽必食推介【6】大埔振興肉丸 新派咖喱流心的魚蛋 生酮牛丸
食厭了一式一樣的肉丸，想試試新口味，必去大埔振興肉丸！這個攤位匯集了三個主打肉丸的品牌，如主打玩味新派丸物的「丸俠」，可嘗藏有咖喱流心的魚蛋、鹹蛋黃味流心魚蛋和黑色嘅大香腸等…！好多口味聽都未聽過！另外，攤位還有健康生酮系列，必食生酮牛丸及生酮牛漢堡，酮友不可錯過！
大埔振興肉丸 攤位編號：1A-B02（共6個攤位）
美食博覽必食推介【7】Shake Shake啤 《無傷乾》無酒精啤酒
邊個話飲酒一定傷肝？美食展可入手無酒精啤酒品牌「Shake Shake啤」的《無傷乾》系列！《無傷乾》以菊花釀造，加上從海外引入一種專門製作無酒精飲料的酵母「LA-01」菌種製作，不含對人體肝臟造成負荷的物質，飲得多仲強身健體𠻹！
Shake Shake啤由THEi高科院食品科學及安全（榮譽）理學士課程師生及食品創新中心人員攜手研發，不妨來買一套，支持香港製造！
Shake Shake啤 攤位編號：食品創新中心 5B-E24
美食博覽必食推介【8】珍菌天下 黑松露意式雪糕
作為甜控，必食珍菌天下的黑松露意式雪糕！產品將意大利兩大名物「黑松露」及「Gelato意式雪糕」加在一起，每一口都有濃郁的松露香，加上可揀海鹽或意大利芝士，前者帶微咸，層次豐富，後者好香芝士味，各有各好！此外，此系列還在本地生產，百分百食到新鮮滋味！
珍菌天下 攤位編號：3B-E02
美食博覽必食推介【9】閣樓釀造 自家製作汽水
汽水被譽為肥仔水，來來去去都咁上下味，高糖兼無益！其實汽水都可健康，口感新穎！近年由三位90後的年輕人創立的「閣樓釀造」，自家推出精品汽水，以低糖配方，選用本地食材，做出充滿本土口味的有汽飲品，如無奎寧成份的草本湯力水、加入了辣椒的勁辣薑汽水及有汽香水檸檬鐵觀音等，飲落好獨特，大家一定要試試！
閣樓釀造 攤位編號：3B-F03
美食博覽必食推介【10】OMNI $1件純素台式點心
OMNI限時優惠 $1 件純素台式點心，由即日起至售完即止，包括有三款優惠點心：田家千層烤餅 (新豬肉蘿蔔絲)、田家千層烤餅 (紅豆) 及 植物素黑胡椒蔥餡餅 $1/件（原價：$18/3件）。今次記者就試了千層烤餅，食上口真係唔似食肉，又有蘿蔔絲增添口感，相信即便是食肉獸都不會抗拒。
OMNI 攤位編號：1E-D08
美食博覽2023快閃優惠
美食博覽門票優惠2023
門票分了上午、晚間及套票，最低人均$10可以進場參觀同日的美食博覽公眾館、家電‧家居‧博覽及美與健生活博覽。如果只購買上午及晚間門票，可到會場入口或用八達通即時付款；套票或獨立門票可到全線全線7-11/ OK便利店及八達通 App購買！票務合作夥伴01 空間提供門票優惠。
獨家半價購買門票連結｜01空間
美食博覽2023門票種類︰
1.美食博覽上午進場票 (只適用於 8 月 17, 18 及 21日期間中午 12 時前進場) / 晚間進場票 (只適用於 8 月 17 至 20日期間下午 6 時後進場) ：每位HK$10
2.美食博覽公眾館、家電‧家居‧博覽及美與健生活博覽2023門票
每位HK$30 -半價購買門票
3.美食博覽公眾館、尊貴美食區、家電‧家居‧博覽及美與健生活博覽 2023 套票
每位HK$36（早鳥17/8前購買）半價購買門票
4.美食博覽公眾館、尊貴美食區、家電‧家居‧博覽及美與健生活博覽 2023 套票
每位HK$40 (17-21/8購買)半價購買門票
購票連結｜半價購買門票
*小童3歲或以下及65歲或以上人士免費入場。每日展覽會關閉前45分鐘終止參觀人士進場。
😃新登記成為「香港01」會員賞800積分， 美食展購票即減$8！
1.按此以手機號碼登記成為新會員，即送您800積分。
2.進入「01空間」購買活動或門票，選取門票數量後， 在購票詳情頁面使用「01積分」，以100積分= $1抵扣方式付款。 有關「01積分」的使用條款及細則，請詳閱使用條款之相關部分。
美食博覽2023
日期：2023年8月17至21日（星期四至星期一）
地點：香港灣仔博覽道一號香港會議展覽中心
8月17日至8月20日：10:00-22:00
8月21日 ：10:00-18:00