商家賣淘寶貨貴10倍惹爭議！93蚊成本賣930蚊 網民撐：舖租好貴
撰文：冷麵婆婆
出版：更新：
正所謂「百貨應百客」，最近有網民就發現本地有商舖，將一件成本約93元人民幣的「淘寶貨」，以$930再出售，賣貴將近10倍！事件引起各大網民討論，大部分網民一面倒力撐商家，直言「香港舖租好貴」標價合理，但都有人認為「可能呃外國遊客」！
商家賣淘寶碗具貴10倍惹爭議！93蚊成本賣930蚊 網民撐：舖租好貴
最近有網民於Facebook群組「淘寶開心share」發帖，稱於香港某店舖門市，看到商家售賣的一件「淘寶貨」竟索價$930，並翻查淘寶網的同款產品資料作對比，發現售價實質僅為93元人民幣（約$107港元），但該門店標價貴近10倍。直指「我明白商家要賺錢，又要畀租同燈油火蠟，但我無諗過markup（標價）10倍，我一直以為只喺3至5倍」。
👉👉👉好食玩飛Instagram官方帳號開咗喇！請Follow我哋：https://bit.ly/38tlS4l
貼文一出即引起大批網民留言討論。眾所周知港人向來精打細算，但對於今次「淘寶貨」一事，大部分網民均偏向認為商家沒有問題，「從原產地，分銷，物流，到香港營運的舖頭。當每層個cap水（賺取）兩成五，10蚊已變成20蚊成本價」、「3倍都倒貼喇，香港地人工、舖租、水電、稅，無成本咩」，認為非常合理，否則無需開門做生意。
+5
不過，都有網民認為，該食物盤架以$930出售確實有點「離譜」；都有人認為成本有可能比淘寶更低，「佢攞貨一定唔係淘寶個價錢，點都平過淘寶傾價」，直言「等到一條水魚買已經發達，可能呃外國遊客」，笑指「本地人無咁笨」。大家又怎樣看呢？