深水埗老字號餅家逾10款新年油器！必食芋蝦/豆沙角 網民讚食上癮

深水埗扎根逾20年人氣老字號餅店，各款舊式唐餅深受食客歡迎。最近餅店宣布推出逾10款新年油器，其中包括煎堆、笑口棗、花生角仔、芋蝦等，消息一出即引來大批網民支持，反應熱烈指「等咗好耐」，大讚店家「豆沙角會食上癮」！

深水埗老字號餅家逾10款新年油器！必食芋蝦/豆沙角 網民讚食上癮

人氣傳統老餅店「生隆餅家」扎根深水埗24年，搬遷至新舖後，繼續售賣各款舊式唐餅糕點，味道正宗之餘價格親民，吸引不少舊街坊、食客特意前往深水埗光顧！臨近新年，餅家於Facebook專頁透露，將會供應逾10款新年油器，令一班期待已久的食客興奮不已。

生隆餅家今年將提供花生角仔、笑口棗、旦散、牛耳、糖環、蘿蔔糕、芋頭糕，亦有多款煎堆，例如九江煎堆、龍江煎堆、大花頭煎堆、小花頭煎堆等，全部由人手製作，其中更有人氣必食的豆沙角及芋蝦，可謂是不少食客至愛。

今次消息一出，網民一呼百應，「等咗你好耐啦」、「又要買豆沙角啦」。餅家每到新年都繼續人氣高企，有網民表示，能否成功買得心頭好不時或需視乎彩數，「睇下今年有冇機會買到芋蝦，豆沙角實買」、「好想買芋蝦」、「豆沙角真係會食上癮」、「我最愛豆沙角終於出爐啦，買買買」。大家若想品嚐傳統中式糕點手藝記得留意喇！

生隆餅家 詳情

地址：深水埗北河街地下（榮華舖位）
營業時間：07:00 - 19:00（星期一休息）
電話： 2360 1359