1881聖誕裝飾被批今年最Hea　一次慶祝哂4個節日？網民轟：好慳皮

尖沙咀1881 Heritage聖誕燈飾歷年都備愛港人歡迎！不過，最近就有網民分享照片指，今年1881的設計略顯遜色，形容裝飾非常「簡約」 ，令不少網民大感失望，更評為是歷年來最「Hea」的裝飾設計，更有網民認為看似盂蘭節時的「神功戲棚」，隨即引起熱議！

尖沙咀1881聖誕裝飾被批今年最Hea　一次慶祝哂4個節日？網民轟：好慳皮

聖誕節將至，不少人或會抽空欣賞聖誕燈飾或聖誕樹，感受節氣氛！不過，最近有網民就於Facebook專頁「香港風景攝影會」，分享今年尖沙咀1881 Heritage聖誕裝飾的相片，並指「今年聖誕裝飾真係好簡約節儉呀」。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

從相片中可見，今年1881聖誕裝飾相對以往的設計較簡單，場内設有一棵配有2顆心心的聖誕樹，樹前方設置一座紅色樓梯台，兩旁再設有2個大大的紅色圓拱門，拱門各自上配有一個巨型聖誕心心，設計極簡約，較去年的松鼠主題裝飾遜色不少，引來大批網民熱議，並一面倒認為是歷年來最Hea的聖誕裝飾，直言「好老土」。

有網民表示今年1881聖誕裝飾設計甚差，認為「今年既（嘅）燈飾都幾核突下」、「咁多年今年最hea」、「上年松鼠主題好靚架，今年好差」，令不少人直呼好失望。都有網民指「燈都冇盞真係好慳皮喎」、「經濟唔好，冇咩廣告商參與」，直言1881疑為了減省開支，而忽略設計觀感，更有網民笑指今次裝飾不單止為了慶祝聖誕，而是可以「一物幾用」。

有網民認為裝飾具有農暦新年氣氛，表示「拆咗聖誕樹，加上桃花又系新年裝飾」、「可唔可以唔好一set（組 ）兩用得咁明顯」；都有人指「咁多心心，可以擺埋情人節，真環保」；更有網民稱「望一望以為係盂蘭節啲神功戲棚」，縱然只是猜測，但大部份網民似乎一面倒「唔收貨」。不過都有網民欲解圍，指「個場大部分執晒笠，仲有聖誕樹算係咁」。