日圓匯率暴跌12蚊店唔減價！網民抱怨：香港只有加價永遠冇減價

想當年12蚊店隨著日圓高企，由10元加價至12元，不少港人都忍痛接受。然而隨著日圓匯率暴跌，如今12蚊店卻未見減價，網民隨即議論紛紛，甚至話香港只有加價，永無減價！

日圓匯率暴跌12蚊店唔減價！網民抱怨香港：只有加價永遠冇減價

有網民於社交媒體Facebook群組「12蚊店關注組」內發文，指：「以前十元店話因為日圓高企所以要加到12元，現在日圓平咗好多個月點解唔變返十元！」引起熱議。

有網民回應該貼文，表示：「同可加可減機制一樣」、「香港只有加，沒有回落的」，認為香港物價不斷上漲，永無下降之日，實在難頂。

有網民強烈要求降價，話：「以前好鍾意行12蚊店，而家好耐都冇幫襯，淘寶都有好多靚嘢又平」認為既然淘寶都能夠購買到價廉物美的單品，無需強迫自己於12蚊店內「捱貴價」。

為何香港不減價呢？有網民猜測：「香港租金貴，同埋而家油費貴，所以唔減」、「都無減租，郵費又加......所以咪又唧牙膏式減價」、「yen跌，但香港租貴人工貴運費貴，呢啲都係成本的一部份，我寧願唔減價，但分店開大啲，賣貨品多款式啲仲實際。」

香港分店商品不及日本分店齊，而且價格亦較高昂，有網民則建議，既然現時日圓匯率持續低迷，不妨於日本官方網站直接入手購買，可以較平價格入手12蚊店商品，亦可以透過對比港日兩地商品差價，得知「減價空間多唔多」。