荃灣路德圍現平價漢堡！$36連薯條飲品網民盛讚　記者親身食評！

路德圍作為荃灣區內知名掃街好去處，最近又有間新食店進駐，主打特色漢堡，套餐連薯條飲品僅收$36，網民在社交媒體瘋狂盛讚，個個都話完勝老麥，記者看見都好心動，即刻出發去試食！

荃灣路德圍現平價漢堡！$36連薯條飲品網民盛讚　記者親身食評！

元朗漢堡小店BURGER JACK憑著超高性價比起家，之前進駐西環獲頗多迴響，最近更落戶位於荃灣核心、掃街聖地——路德圍，於社交媒體Facebook群組內引起網民熱議。網民話$40（實為$36）一個套餐，實在好高性價比！

記者見到都好心動，所謂心動不如行動，即刻落去買來試一試。首先便試了招牌蛋牛堡套餐。漫畫版的菜單望落好大塊漢堡扒，實際卻只是大半掌心般大小，不算很紮實，肉汁外表望落欠奉，其實亦未有這麼差——肉汁有好好鎖在漢堡扒內，不算很多便是了。而雞蛋則全熟，沒有半生熟或者流心的效果，亦略為失色。

漢堡扒上添上秘制醬料，味道有點似千島醬混合蛋黃醬，口味較傳統醬汁淡，開胃之餘，亦不會太過甜膩。至於漢堡包整體約有男記者掌心大小，孰大孰小實在見仁見智，但$36食到如此配套，性價比實在極高，難怪有網民話「完勝老麥」。

今期BURGER JACK再推出了特別單品「蜜桃脆雞堡」，記者亦買回來試一試。蜜桃份量的確不如海報般震撼，但粗略一數至少有3塊蜜桃肉，已經算是不過不失。

至於漢堡的好伴侶——薯條，BURGER JACK選用的薯條口感似急凍薯條，熱食還能保持脆口，不過稍放一段時間，變軟之後再食時就會成口渣，口感實在算不上佳，建議食漢堡之前儘快食用，把握時間享受一下薯條脆口滋味。

夾心的靈魂從牛肉漢堡扒換成炸雞扒，今次似乎炸得比較重手，外皮太硬，入面肉質亦不算軟，導致口感略為遜色，配搭蜜桃的口感亦似乎未有帶來多層次的昇華，只能講略嫌平淡。不過過往BURGER JACK的期間限定品都曾獲得迴響，相信只屬一次失手，整體而言僅售$33（套餐價售$43），實屬CP值之選。

時間：12:00 - 21:30（星期一至四至21:00）
地址：荃灣路德圍6號地下A號舖