長沙灣兩餸飯店推$45大閘蟹 街坊排隊搶購！負責人：其實無錢賺㗎

【兩餸飯/大閘蟹】兩餸飯熱潮持續，加上正值大閘蟹季節，長沙灣就有兩餸飯店推出大閘蟹，最平$40就可以買到，吸引不少食客前往光顧！其中有街坊不惜花近1小時等待大閘蟹出爐，最終成功買到，表示非常開心。今次《好食玩飛》編輯將為大家試食兩餸飯的大閘蟹，看看味道如何！

長沙灣兩餸飯店推$45大閘蟹 街坊排隊搶購！負責人：其實無錢賺㗎

位於長沙灣的「包點超人三餸飯專門店」，向來主打低廉價格的飯盒，深受不少街坊及打工仔歡迎。平日店內的兩餸飯以超抵價發售，每盒僅$28，有原條倉魚、蒜蓉蒸龍蝦等高質餸菜，加飲品也只是$3，非常抵食，店外不時出現人龍。

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

最近店舖就「加餸」推出大閘蟹，每隻大閘蟹售$45，如購買4隻只售$160，平均每隻最平僅$40，若加配一盒白飯則加$9，即是食一個大閘蟹配白飯只需$54，令不少街坊大為驚喜！記者昨日（13日）於中午時間前往，打算一試大閘蟹兩餸飯，未料撞正「批貨遲啲到」。

「包點超人」長沙灣分店店舖負責人陳經理表示，大閘蟹一般會於平日約中午12時至1時供應，到貨後就會即時蒸熟，大概4時左右就會開始供應。他又指，每隻大閘蟹重4両左右，買多平多，每日限量發售大約90隻，目前各區分店都有售賣，但就未有透露產地來源。

大閘蟹以低廉價格出售，陳經理坦言：「其實無錢賺架，生意都係一般般」，不過正值大閘蟹當造，想一班街坊食得開心之餘，都希望大家可以繼續支持店內的兩餸飯。至於大閘蟹推廣何時會完結，他表示「做到當造季節完結為止」。

期間有不少街坊特意前來想買大閘蟹。街坊黃伯伯表示，午飯時間已經專程前來買大閘蟹，惟未有貨，下午時段會再前來碰運氣。亦有街坊花近1小時等待大閘蟹出爐，彭女士表示，今次專程從石硤尾步行20分鐘前來買大閘蟹，又指：「平時出面賣約$50多大閘蟹唔敢食，但佢蒸熟埋就可以試吓」，坦言外面一隻大閘蟹動輒上百元，而這裡每隻約$40算好抵食！

今次《好食玩飛》編輯試食了大閘蟹兩餸飯，一打開紙盒就聞到頗重蟹香味，蟹肚呈尖三角形（即為蟹公），拆開蟹蓋，可以見到有金黃色蟹膏，蟹膏尚算軟滑，亦食到淡淡甘甜，整體而言蟹味濃郁。雖然份量未算好飽滿，但以$45的價錢而言，可以食到一大隻蟹都亦算性價比高。

包點超人（長沙灣店） 詳情

地址：長沙灣青山道349號地下
營業時間：10:30 - 22:00