鳳鳴石磨腸粉大埔店試業！1連6日優惠每日更新 腸粉$10/買一送一

鳳鳴石磨腸粉最近於大埔再開分店！由9月17日起至22日期間，分店將會推出1連6日超抵試業優惠，優惠每日更新，多款腸粉會有$10、買一送一優惠，腸粉控不容錯過！

鳳鳴石磨腸粉大埔分店試業限時優惠 腸粉$10/買一送一/$5轉餐優惠

好食玩飛Instagram官方帳號開咗喇！請Follow我哋：https://bit.ly/38tlS4l

人氣手工腸粉店「鳳鳴石磨腸粉」，最近再於大埔開新分店！分店由9月17日開始試業，同時推出1連6日的試業多重大優惠，包括$10優惠價食「石磨雞蛋豬肉腸」、「石磨蔥花蝦米腸」、「石磨雞蛋腸」；「紅米系列腸粉」及「黑米系列腸粉」買一送一；任何腸粉加$5轉套餐，優惠將會每日更新，如果想試心水腸粉，就要留意日期喇。

大埔分店試業優惠內容
9月17日【1】 石磨雞蛋豬肉腸 $10
9月18日【2】石磨蔥花蝦米腸 $10
9月19日【3】石磨雞蛋腸 $10
9月20日【4】紅米系列腸粉 買一送一
9月21日【5】黑米系列腸粉 買一送一
9月22日【6】任何腸粉加$5轉套餐

想多試幾款口味，店內連同優惠款式，合共有超過10款腸粉口味，例如「無骨手撕雞腸粉」、「石磨韭菜雞絲腸」、「石磨粟米腸」、「石磨牛肉腸」等等，每份腸粉都包隨意加配芝麻、麻油、炸蒜、辣椒粉及祕製麻香汁調味醬料，想再豐富一點，亦可以不同價錢再加購雞蛋、椰菜絲、粟米、蟲草花等配料；另有更有粢飯、燒賣及豆漿等小食飲品可加錢配搭，款式相當豐富。

鳳鳴石磨腸粉主打自家製石磨腸粉，米漿每日人手新鮮製作，當中最特別是罕見以「黑米」及「紅米」磨成米漿所製作的紅米腸粉及黑米腸粉系列，想瘦身或注重健康人士都可以一試！每間不同的分店有時亦會推出不同優惠套餐及限定菜單，如果有興趣記得留意住官網更新。

鳳鳴石磨腸粉優惠詳情

日期：由9月17日起至22日
試業時間：上午10時至下午6時
舖頭地址：新界大埔寶湖商場2樓227號舖
電話： 5980 6242
*優惠條款細則及試業時間，以官方網站為準。