黃埔美食|新開芋圓店必試大滿貫燒仙草 煙韌3色芋圓+紅豆+奶茶底

【黃埔美食】黃埔新開芋圓甜品專門店！新店主打多款台式芋圓甜品，足料又煙韌，配搭仙草、珍珠及黑糖冰沙，口感層次豐富！除了芋圓外，亦有多款特式甜品及飲品，黃埔街坊想食糖水又多一個選擇！

黃埔新開芋圓甜品店 必試大滿貫燒仙草！煙韌三色芋圓+紅豆+奶茶底

芋圓甜品店越開越多，近日又有新店進駐黃埔喇！主打台式芋圓甜品的新店「陳茶館」提供超過20款甜品及飲品，當中以超煙韌手工芋圓系列最受歡迎，大大粒而且有咬口，更吃得出原材料味道！

芋圓系列甜品多達10款，以手工三色芋圓配芋泥、紅豆、仙草等不同配料，更有黑糖冰沙底、冬瓜茶冰沙底、奶茶底、豆漿底等多款口味配搭，每份售$35起！其中推介必試「大滿貫燒仙草」，以香滑奶茶作基底，足料手工芋圓再加上珍珠、紅豆及仙草，非常豐富！

另一款人氣之選就是「黑糖珍寶仙草」，以黑糖冰沙再加上芋圓、珍珠、小丸子及仙草，口感豐富，吃完非常滿足！其他款式仲有桃膠芋圓三寶、芋泥紅豆仙草二重奏、仙草芋圓西米露等，芋圓控必試！

除了芋圓，店內亦有其他甜品如木瓜桃膠燉雪耳、木瓜桃膠鮮奶，以及創新飲品包括阿華田波波冰、Oreo芋泥鮮奶等選擇！店內設計簡約舒適，不論堂食或外賣都無問題！

【黃埔美食】陳茶館芋圓甜品專門店

地址：紅磡必嘉街120號黃埔天地第3期百寶坊地下G12號舖
營業時間：13:00 - 22:30（星期二至四）、13:00 - 23:00（星期五至日）
電話：2180 2112