759阿信屋推薦｜記者試食5款759懶人食物 鯖魚/青口/薯蓉 附價錢

【759阿信屋推薦】《好食玩飛》記者今次就試食5款759阿信屋的懶人食物，包括西班牙Pizza、韓國蔘雞湯粥、西班牙青口罐頭、日式鯖魚罐頭及即食薯蓉，全部只需簡單加熱或沖水就可以食用，超簡單又方便，適合一眾「耍廢」懶人同地獄廚神、無飯家庭！

759阿信屋推薦｜記者試食5款759懶人食物 鯖魚/青口/薯蓉 附價錢

疫情之下大家「宅」在家中時間變多，加上晚市持續禁堂食，又「懶得」煮飯，簡單快捷的懶人食物就更加必不可少！《好食玩飛》記者今次就在759阿信屋搜羅5款食物，再親身試食，來一個真實食評，當中包括有西班牙Pizza、韓國蔘雞湯粥、西班牙青口罐頭、日式鯖魚罐頭及即食薯蓉，款款都只需加熱或沖水就可以食用，十分方便！

【1】西班牙莎樂美腸Pizza

西班牙莎樂美腸Pizza份量頗大，只需以微波爐約6分鐘，或以焗爐叮熱13分鐘就可以食用，Pizza上莎樂美腸不算太多，但配有些少蘑菇、煙肉等配料，面上有些芝士及蕃茄醬，不過整體味道偏鹹，餅底較薄，缺乏Pizza口感，不過勝在份量大，絕對足夠「醫肚」！

西班牙莎樂美腸Pizza $42

懶人程度 ☆☆☆
味道 ☆☆
性價比 ☆☆☆

【2】韓國蔘雞湯風粥

韓國蔘雞湯風粥一包為一人用份量，只需以滾燙熱水，連包裝泡浸大約1分鐘，即可以吃到「暖笠笠」的雞粥，吃下去口感滑身，不過基本上沒有配料，但勝在雞湯香味非常濃郁，建議可以額外配搭其他小菜，適合喜愛清淡或不時想吃粥的人士。

韓國蔘雞湯風粥 $13.9

懶人程度 ☆☆☆☆☆
味道 ☆☆☆
性價比 ☆☆☆☆

【3】西班牙青口罐頭

如果不想吃得太清淡，這款西班牙青口罐頭味道亦算不錯，打開易拉罐就可以即時食用，裡面最少有20隻迷你青口，由於是油浸罐頭，單食味道相對偏鹹，不過沒有海鮮腥味，而且非常香口，非常適合配飯或者配粥食用！

西班牙青口罐頭 $18.8

懶人程度 ☆☆☆☆☆
味道 ☆☆☆
性價比 ☆☆☆☆

【4】日式鯖魚罐頭（味噌味）

平時想吃鯖魚未必外出才能品嚐！這款日式鯖魚罐頭（味噌味）相信可以滿足到愛吃鯖魚的懶人們，即開即食之餘，鯖魚份量不少（最少5件），魚肉泡浸在味增湯底裡非常入味，而且魚肉口感厚實，配上濃味醬汁，拍得上在外吃的鯖魚味道，配飯絕對一流！

日式鯖魚罐頭（味噌味） $22.9

懶人程度 ☆☆☆☆☆
味道 ☆☆☆☆
性價比 ☆☆☆☆

【5】Pokka Sapporo日式即食薯蓉（粟米薯仔沙律/日式炸薯餅味）

講到懶人食物，就少不了既飽肚又方便沖製的即食薯蓉！這款日式即食薯蓉有2款口味，分別是粟米薯仔沙律味，日式炸薯餅味，前者有甚濃的粟米及煙肉味，後者則味道就相對偏淡，不過口感稠身，薯泥非常細滑，吃一個都肯定夠飽！

Pokka Sapporo日式即食薯蓉（粟米薯仔沙律/日式炸薯餅味） $21.9/2個

懶人程度 ☆☆☆☆
味道 ☆☆☆☆
性價比 ☆☆☆☆

記者試食總結： 鯖魚/青口罐頭送飯或杯麵一流！西班牙Pizza味道稍欠佳

今次試食的5款懶人食物中， 以日式鯖魚罐頭或青口罐頭最為值得推薦，不論是味道還是份量，都非常不錯，平時忙碌或者懶散之際，想為杯麵或者白飯「加餸」，絕對是不錯之選；不過西班牙Pizza味道則略為欠佳，未必人人「啱食」，如果大家有興趣的話就可以去買來一試！