新蒲崗美食｜人氣餅店爆餡流心冬甩 酒店主廚即叫即炸 足15款口味

【新蒲崗美食】新蒲崗一間餅店最近人氣爆燈，最近推出的即炸爆餡冬甩以及麻糬卷蛋，全部自家生產，每日一新鮮出爐就吸引長長人龍排隊。店面雖然看似街坊餅店，但原來由多位酒店星級造餅師傅主理，更有「街坊格局，名店水準」名堂，連演員河國榮也曾來捧場！

位於新蒲崗的理想餅店店面雖然街坊格局，但是餅房班底原來臥虎藏龍！由多位酒店餅房出身的星級造餅師傅主理，其中一位老闆曾赴德國麵包廠學藝，學得正宗歐式麵包手藝，因此出品超有水準！

理想餅店主打多款自家製新鮮麵包及西餅，包括精美麵包、特式西餅、杯子蛋糕等，每日店外都有長長人龍排隊，一出爐就超快沽清，十分受歡迎，就連演員河國榮都特地前來捧場！

理想餅店的招牌一定是人氣爆燈的Berliner即炸爆餡冬甩！冬甩即叫即炸，熱辣辣的冬甩外層裹上砂糖，再唧入滿滿吉士餡，一咬下去大量吉士餡湧出，外熱內凍超有層次感。冬甩有多種口味，例如原味、抹茶、朱古力、芝士、士多啤梨果醬、焦糖、特濃咖啡、貓山王榴蓮、柯華田等等。

理想餅店的日式麻糬卷蛋也是必食之選！卷蛋是由另一位同樣都是五星酒店甜點部出身的老闆主理，卷蛋質感軟滑、綿密，富有蛋香。餅店供應超過10款口味的卷蛋，忌廉餡包括原味、綠茶紅豆、朱古力、鐵觀音黑糖麻糬、伯爵茶、阿華田脆脆、花生麻糬等等，加上煙煙韌韌的麻糬口感一流，各位卷蛋控不可錯過！

理想餅店

地址：新蒲崗康強街32-34號康強洋樓A下7號鋪
電話：2772 1328

Berliner即炸爆餡冬甩
價錢：$20/個，$110/6個

日式麻糬卷蛋
價錢：$50-98/個（視乎味道）