兩餸飯|荃灣$40起抵食海鮮三餸飯 20款餸有膏蟹/象拔蚌 送汽水+湯

【荃灣兩餸飯】荃灣一間大排檔轉賣超抵食海鮮兩餸飯爆紅，$40就可以買到有足料海鮮的三餸飯，仲包埋汽水及例湯！而且餸菜款式多達20款，有齊魚、蝦、膏蟹、東風螺及象拔蚌等多種選擇，吸引大批街坊排隊購買！

荃灣兩餸飯$40抵食海鮮三餸飯！20款餸有膏蟹/象拔蚌 送汽水+湯

兩餸飯經濟實惠，而且餸菜款式多，成為許多人買外賣飯盒的好選擇！近日Facebook群組「兩餸飯關注組」中，不少網民都推薦一間荃灣大排檔推出的兩餸飯，不但足料又夠鑊氣，性價比極都極高，未到晚上6點已經有數十人大排長龍！

這間獲不少網民推薦的餐廳，每日供應多達20款不同菜式，包括多款就新鮮海鮮炮製的小炒，如豉汁蒸倉魚、爆炒象拔蚌、薑葱炒膏蟹、豉椒炒蜆、椒鹽海蝦、辣酒煮東風螺等。

其他餸菜選擇亦都極多，霸王雞、西檸豬扒、潮式滷水鴨、菠蘿生炒骨等。更有網民留言大讚，餸菜都好足料，笑稱菠蘿生炒骨只有一塊是菠蘿，其餘都是肉！

每個兩餸或三餸飯盒只售$40，仲送老火湯加汽水。如果想加餸的話，亦可以買淨餸，雙拼或三拼都只是$45，非常抵食。許多人都大讚買外賣海鮮小炒仲抵過自己煮，不過如果想買到海鮮餸菜就要趁早，否則極快賣完。

老闆更開設Whatsapp群組向顧客更新每日菜單，以及上載餸菜相片，想知每日有甚麼菜式，可以向職員查詢提出並提出加入群組！

麗園

地址：荃灣路德圍69號R地舖
營業時間：11:30-14:00，17:30-20:00（逢星期日休息）