大埔80年豆品老字號推腐竹雪糕+雪條！香港製造濃郁豆香+低糖低脂

【雪糕】近來天氣開始變暖，又可以盡情食雪糕！大埔一間80年豆品老字號，主打各款腐竹製品，更推出多款用腐竹製成的雪糕，而且強調低糖、低脂同低卡路里，好味又健康，各位甜品迷有機會一定要試！

大埔80年豆品老字號「樹記腐竹全駿記」，早前推出100%自家製腐竹雪糕，入口每啖都有濃郁豆香，軟滑口感帶有豆腐雪糕的味道，更有網民大讚「好似食緊腐竹糖水」！而且，腐竹雪糕全部由香港製造，成分低糖、低脂及低卡路里，怕肥的女士和雪糕迷都可以無負擔一試！

除了腐竹雪糕，這間老字號更推出脆皮腐竹雪條（$20/條），分為抺茶脆皮及朱古力脆皮2款口味，香濃軟滑的雪糕加上脆皮，口感更豐富！

店內另有多款招牌腐竹豆製品供應，包括鮮枝竹、鮮腐皮、枝竹、炸枝竹、生根等，深受食客歡迎，不少人更會專程去買回家煮飯或者煲糖水！

樹記腐竹全駿記
大埔店：大埔鄉事會路9-15號寶蓮樓地下2A號舖
營業時間：08:30-17:00
上環店：上環皇后大道中327號嘉寶大廈地下B2舖
營業時間：星期一至六 10:00-19:00；星期日及公眾假期 10:00-18:00