水門雞飯分店被大幅加租逾3成 聲明稱準備執笠 網民鬧業主好無良

泰式海南雞飯餐廳「水門泰式海南雞飯專門店」分店在疫情下慘遭業主加租逾3成，近日於社交媒體專頁直言「準備好執笠」，引起不少網民留言討論，大鬧業主做法無良！

水門雞飯分店被大幅加租逾3成 聲明稱準備執笠 網民鬧業主好無良

「水門泰式海南雞飯專門店」（水門雞飯）以供應地道泰式海南雞飯而馳名本港，找來泰國大廚坐鎮、嚴選惠州走地雞，烹調出地道泰式海南雞，入口汁多爽滑，備受不少港人喜愛，最近卻傳來噩耗，水門雞飯稱難敵疫情，隨時要結業！

水門雞飯日前於社交媒體Facebook專頁上表示「某分店疫市加租33%」，並落下「業主睇好我」、「我準備好喇」、「準備好執笠」三個標籤，怨氣十足，引來不少網民留言討論。

網民留言稱業主做法好無良，大鬧「咁X街？咁（嘅）市道都講得出加價？」，猜測「其實佢係咪想趕走你」。有網民則建議「我撐你摺咗佢收檔離場，等業主攬住個吉舖無人問津都好」。

有支持者亦留言表示力撐，安慰道「休息下先，再創高峰」，並豪言「咁你搬去邊記得通知聲喎，一定跟實你喎」。大熱茶飲店「E.Tea茶星人」專頁亦在相關貼文留言「加油，關關難過關關過，一齊頂住個雞頭」，為水門雞飯打氣。