男朋友送二手袋做情人節禮物　女友當場爆喊：抹極都仲有黑色污跡

情人節剛過去，男生們準備了什麼禮物給女朋友呢？有港女在網上抱怨，稱男朋友平時好孤寒，今個情人節難得肯送禮，滿心期待之下，正日竟然收到個二手袋做禮物，令她情難自禁淚灑當場！

男朋友送二手袋做情人節禮物　女友當場爆喊：抹極都仲有黑色污跡

有港女於網上討論區「Dcard」發文，指自己平時習慣自己主動計劃慶祝方式，包括「自己去買蛋糕、自己book餐廳、自己book酒店staycation」，至於講到男朋友，就指他「一向好唔識浪漫又冇乜儀式感」，上年甚至忘記慶祝情人節，買了按摩槍當作禮物送給男朋友，男朋友卻連回禮都廢事。她認為「一齊咗咁耐我都習慣晒，冇要求佢要比咩驚喜我了」，口講無所謂，但語句見難免透露出淡淡憂傷。

來到今年情人節，男朋友依舊遺忘情人節，不過眼見港女先後送了Switch遊戲主機、大熱遊戲《Pokémon阿爾宙斯》卡帶當作禮物，並預約酒店staycation及自助餐慶祝情人節，男朋友當時似乎不太好意思，因此聲稱會送出「同等價值嘅嘢」當作回禮，讓港女內心相當期待。

誰知道過兩日，男朋友居然拿出一個二手chloe手袋出來，當作情人節回禮送給港女，讓港女當場呆住難以反映。她更形容：「二手都算，仲要係有啲殘舊有啲污糟、有好明顯使用痕跡、袋內好多原子筆化妝品漬......仲要個面我用3張濕紙巾抹都仲係成張紙巾黑蚊蚊（黑鼆鼆）！」

本身港女打算當無事發生，誰知道男朋友見到港女燶面仍未有反省，反而一輪嘴反擊：「都幾千蚊嫁（㗎）唔平嫁（㗎），我送禮物比（畀）你，你仲咁嘅樣，點解要咁在意二手姐（啫）、你咪當係自己孭耐咗孭舊咗囉，而家興古著呀，我同事都會買二手袋比（畀）女朋友、人哋都會用、我冇諗到你會咁介意囉，咁呢個袋原價貴吖嘛、我喺間舖頭見佢平好多咪買嚟氹下你開心、鬼叫你前日話我唔錫你、而家咪買禮物比（畀）你囉！」，連環炮轟之下，港女難忍委屈，情難自禁淚灑當場！

第二日剛睡醒，港女更接到港男「通知」，表示見到港女不想要二手手袋，已經拿了回去退貨，更指「退咗啦，當冇發生過啦，唔准再提唔准嬲」。

港女在貼文中表示：「唔知點解嗰下覺得好侮辱，真係寧願佢乜都唔送，都好過送個好殘嘅二手袋、仲要佢覺得唔平」，又指「其實我真係唔要求佢送咩貴重嘢比我......一齊咗咁耐，點解唔可以重視下我......衰啲講我要求已經低到佢淨係送粒朱古力比（畀）我，我都好開心了，如果佢會主動book餐廳話帶我出去食飯，我覺得我真係會劏雞還神......」

有網民認為買二手手袋當作禮物實在不太恰當，亦有網民認為「已經唔係二唔二手嘅問題，係佢完全冇心嘅問題」，直言看到港女經歷實在「好心Up（悒）」。

想平平哋買個「見得下人」的手袋款式當作禮物，其實不算難。較為知名的品牌有CHARLES & KEITH（小CK）、longchamp ，還有Urban Stranger都算是個好選擇。市面上更有不少Outlet開倉優惠，Jimmy Choo、vivienne westwood等品牌商品都不時以優惠價格發售，價格亦只不過千元上下，送禮物亦不覺失禮。