旺角親民價壽司店最平$8起！米芝蓮師傳主理　立食Omakase$108起

【旺角美食｜Omakase】想用超抵價歎壽司或者Omakase？位於旺角的一間立食壽司店，師傳來自米芝蓮二星壽司店，有多年豐富經驗！壽司每件最平$8起，還有多款丼飯、手卷及親民價Omakase套餐，各位鍾意食壽司刺身的朋友不可錯過，即睇下文記低地址和必食推介啦！

位於旺角登打士街的「鮨優」供應外賣及小量位置立食，主打日本直送壽司、刺身、丼飯、手卷及廚師發辦套餐（Omakase），款式選擇甚多。其中，壽司最平$8起，而Omakase套餐價錢亦相當親民，最平$108就可以食到！小店的師傅出身自米芝蓮二星壽司專門店「壽司芳」，擁有多年經驗，品質有保證！

鮨優供應5款Omakase套餐，其中最抵食的首選「日本直送6貫盛合」（$108），包括6件時令手握壽司，款式由師傅挑選，包括深海池魚、鱸魚、鰹魚、劍魚腩等。喜愛拖羅的朋友可以選「吞拿魚盛合」（$118），包括大拖羅、中拖羅、碎吞拿魚軍艦等，一次過試勻吞拿魚不同部位！另設「特上壽司Omakase套餐」（10貫$168，10款20貫$368）及「特上刺身拼盤」（$368）。

壽司方面，大部份款式可以製作成刺身款式，包括不少香港人都喜歡的大拖羅壽司（$32，刺身2切$64）、中拖羅壽司（$28，刺身2切$56）、金目鯛壽司（$28，刺身2切$56）、深海池魚壽司（$24，刺身2切$48）、帆立貝壽司（$15，刺身2隻$30）、三文魚腩壽司（$12，刺身2切$24）及「三文魚壽司」（$8）等。

想食丼飯也有不少選擇，包括三色魚生丼（$88）、角切魚生丼（$88）、三文魚親子丼（$88）等，同樣採用日本直送魚生及日本七星米製成，用料豐富。午市時段更會不定時推出丼飯優惠，可留意官方Instagram及Facebook專頁的最新消息。

鮨優
地址：旺角登打士街43P-43S鴻輝大廈地下A9號舖
電話：9131 1511
營業時間：12:00-23:00